百老匯劇場

曼哈頓劇院區西４５街嘅劇院，由右到左：約翰·戈爾登劇院、班納·B·積及斯劇院、傑拉爾德·舒恩菲爾德劇院，仲有布斯劇院。

百老匯劇院區（粵拼：baak3 lou5 wui6 kek6 coeng4，英文：Broadway theatre），簡稱百老匯，係一種戲劇類型嘅場地，泛指美國紐約市曼哈頓中城百老匯大道沿線嘅劇院區同埋林肯中心嘅４１個專業劇院，每個劇院都有５００個以上嘅座位。「百老匯劇院」呢個詞語主要用嚟形容可以容納至少５００人嘅場所，雖然亦都有例外。百老匯劇院同倫敦嘅西區劇院一齊代表咗英文世界現場戲劇嘅最高商業水平。

雖然百老匯大道同嗰個區同名，不過嗰度同時代廣場密切相關。百老匯本身淨係得３間劇院：百老匯劇場、皇宮劇院同埋冬季花園劇院。其餘嘅劇院係喺有編號嘅十字路口，由時代廣場以南嘅西邊４１街一個街區嘅荷蘭劇院延伸，沿住百老匯兩邊向北延伸去到第５３街，仲有喺西邊６５街林肯中心嘅薇薇安·博蒙特劇院。

紐約市嘅小型劇院無論喺邊度都會畀人叫做外百老匯，而座位少過１０１個嘅小型場館就畀人叫做外外百老匯，呢個術語也啱用喺非商業、前衛或者喺傳統劇院場所以外去搞嘅製作。

劇院區係國際知名嘅紐約市旅遊景點。根據百老匯聯盟嘅數據，百老匯嘅演出喺2022-2023同2023-2024演出季啲飛嘅總價值大約係$15.4億美金。兩個演出季嘅入座率都係大約$1,230萬美金。

百老匯大多數演出嘅都係音樂劇，歷史學家馬田·謝夫特認為「百老匯音樂劇以羅傑斯同埋漢默斯坦為巔峰作，成為對美國文化入面影響深遠嘅形式，仲為紐約市做世界文化之都作出咗貢獻」。