OpenOffice.org 2.0 beskikbaar in al 11 amptelike tale van Suid-Afrika

Standaardeienskappe:

• Versoenbaar met Microsoft Office- en Word Perfect-dokumentformate - werk met almal saam

• Ondersteun die ISO OpenDocument-standaard vir kantoordokumente - verseker dat u dokumente langer leef as die sagteware

• Voer dokumente direk uit na PDF en voorleggings na Flash - bekyk die dokument op enige rekenaar en versprei dokumente op 'n manier dat hulle nie deur ander gewysig kan word nie

• Taalvriendelike koppelvlak - gebruik enige van die programme in u taal.  OpenOffice.org is vertaal in al 11 amptelike tale van Suid-Afrika.

Laai OpenOffice.org 2.0 af (Windows)

Die sagteware sluit in:

Writer - vir alle dokumente

Writer het alles wat mens verwag van 'n moderne, goed toegeruste woordverwerker of lessenaarpublikasiepakket.

Calc - die veeldoelige sigblad

Calc is die sigbladprogram wat u nog altyd wou hê.  Nuwelinge vind dit intuïtief en maklik om te bemeester.  Professionele werkers wat belangstel in funksies vir datamyn en getalverwerking sal die volledige stel van gevorderde funksionaliteit waardeer.

Impress - versterk u voorleggings

Impress is voorwaar 'n uitstekende implement om effektiewe multimediavoorleggings mee te skep.  Laat u voorleggings uitstaan met 2D en 3D prentjies, spesiale effekte, animasie en hoë-impaktekengereedskap.

Draw - die kragtige grafikapakket

Draw gee mens die gereedskap om enigiets van 'n vinnige skets tot 'n komplekse plan te skep, en help mens om effektief te kommunikeer met grafika en diagramme.

Base - die nuwe toegangsweg tot databasisse

Base laat mens databasisse manipuleer vanuit OpenOffice.org.  Skep en wysig tabelle, vorms, navrae en verslae, óf met u eie databasis, óf Base se ingeboude HSQL-databasisenjin.  Base gee 'n keuse tussen Slimmerds, ontwerpaansig, of SQL-aansigte vir beginners, gemiddelde of gevorderde gebruikers.

Math - skep vergelykings en formules

Math is OpenOffice.org se komponent vir wiskundige vergelykings.  Dit word mees algemeen gebruik om formules in teksdokumente te tik, maar kan ook met ander soorte dokumente gebruik word, of alleenstaande.