Hulandes

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Hulandes
Nederlands
Utilisá na	Hulanda  Bélgika  Sürnam  Kòrsou  Aruba Sint Maarten Hulanda Karibense
Nativo pa	Europa
Usuario	Total: 24,540,690 L1: 23 mion (2019)
Famia  lingwístiko	Indo-Europeo German West german
Sistema di  skritura	Alfabet Latin
Státus ofisial
Ofisial na	Union Oropeo  Hulanda  Aruba Sint Maarten  Kòrsou Hulanda Karibe  Bélgika  Sürnam
Regulá pa	Nederlandse Taalunie
Kódigo
ISO 639-1	nl
ISO 639-2	nld
ISO 639-3	nld
Unda Hulandes ta wordo papia
Imágennan riba Wikimedia Commons
[Editá Wikidata] · [Manual]

Hulandes (Nederlands) ta e idioma materno di mas of menos 24.5 miyon hende. Den Union Europeo (EU) e ta na e di shete luga pa loke ta trata grandura di e idioma. Hulandes ta wordo papia primeramente na Hulanda, Surnam y na Belgica. Dentro di Reino Hulandes Hulandes ta tambe un idioma oficial di Aruba, Corsou y Sint Maarten.

Hulandes ta un di e idiomanan West-Germanico. E ta e idioma germanico mas papia despues di Ingles y Aleman. Cifra precies no por saca afo pa loke ta trata e cantidad di papiado, pero ta saca cu mas of menos 23 miyon tin Hulandes como idioma di cas. E total aki nos por calcula: rond 16.606.000 Hulandes riba 2 di juli 2010; 6.161.600 miyon residente di Vlaams Gewest den Belgica (cifra di 2009) y ta estima 225.000 Vlaamse Brusselaars (cifra di 2006) ta hiba un total estima di menos 24 miyon papiado di Hulandes den Hulanda y Belgica hunto. Den Surnam e total di papiado di Hulandes riba algun shenti mil por wordo varia, estima total di residente 486.618 (juli 2010).

E termino "Nederlands" den frase cortico ta wordo uza como un sinonimo di "Standaardnederlands", esaki ke bisa e idioma standard ta wordo uza mas tanto den media y circulo oficial. Den un frase amplio cu "Nederlands" ta wordo papia e mayoria di variacion na e parti di mas grandi di Francico Pabou, principalmente den Hulanda y Belgica.

Clasificacion

Hulandes ta un di e cuater formacion principal di West-German. E tin un relacion fuerte cu Aleman, pero tambe e ta mustra cu e tin algo similar cu Ingles. Hunto cu Nedersaksisch, Nederduits y Hoogduits ta pertenece n'e asina yama Continentaal-Westgermaanse (West-German Continental) taki di lenganan Indo-Europeo. Bou di e taki aki e Hulandes ta pertenece hunto cu otro mas, manera Ingles y Aleman, na e grupo di idioma West-German, sino e cantidad di papiado di e medio.

Skema

• lenga Indo Europeo
  • idioma German
    • idioma West-German
      • Nederfrankisch
        • Hulandes
        • (Afrikaans, lenga crioyo basa riba idioma Hulandes)

Lenga relaciona cerca di otro

E dialectonan Hulandes

Formacion di idioma cu ta cerca di otro di Hulandes-Standaard ta: Limburgs, Zeeuws, Afrikaans, Nedersaksisch, Nederduits y Aleman. E prome dosnan pa cierto linguista no ta wordo mira como un idioma regional (streektaal), sino como un variante di Hulandes.

E relacion entre tur e formacion di idioma y e idioma Ingveoons -di unda Frances y Fries ta formacion principal- ta menos fuerte.

Caribe Hulandes

Apesar di su status di idioma oficial Hulandes ta ocupa na Caribe Hulandes un posicion minoritario den bida diario. Hulandes ta importante como idioma den gobernacion, den poder hudicial y legislativo, y mas aleu den enseñansa, unda esaki a crece historicamente asina. Socialmente, Hulandes ta wordo mira como un idioma stranhero, mientras cu Papiamento ta e idioma principal riba e islanan ABC y Ingles riba e islanan di Islariba.

Fuente, nota i/òf referensia