Pittsburgh
| Pittsburgh | ||
| ||
| Kelk imaji pri Pittsburgh. | ||
|
| |
| Standardo | Blazono | |
| Lando: |  Usa
| |
| Stato: | Pensilvania | |
Informo:
| ||
| Fondita ye: | 27ma di novembro 1758 | |
| Latitudo: | 40°26'23"N | |
| Longitudo: | 79°58'35"W | |
| Altitudo: | 220 til 420 m | |
| Surfaco: | 347 km² | |
| Habitanti: | 302 971 (2020) | |
| Denseso di habitantaro: | 2000 hab./km² | |
| Disto de Harrisburg: | 328[1] km | |
| Horala zono: | UTC-5 (UTC-4 dum somero) | |
| Urbestro: | Ed Gainey (D) | |
 • PITTSBURGH | ||
Oficala retosituo:
| ||
| https://pittsburghpa.gov | ||
Pittsburgh esas chef-urbo di komtio Allegheny, stato Pensilvania, Usa. Segun la demografiala kontado di 2020, ol havis 302 971 habitanti, kontre 305 704 habitanti en 2010, esanta la 2ma maxim populoza urbo dil stato. Lua tota surfaco esas 151,12 km², equivalanta a 58,35 mi². Lua metropolala regiono havis plua kam 2,457 milion habitanti en 2020, esanta la 26ma maxim populoza metropolala areo di Usa.
Jacanta ube la riveri Allegheny e Monongahela kunfluas, ol surnomizesis "urbo di stalo" pro plu kam 300 fabrikerii qui uzas stalo, ed "urbo di ponti", pro lua 446 ponti. Ol koncentras importanta hospitali, exemple la medikala centro dil universitato di Pittsburgh (Angle: University of Pittsburgh Medical Center). Ol anke gastigas 68 universitati e fakultati. Ol anke esas centro por diversa agenterii publika, nome pri robotiko, ciberdefenso*, softwaro-injeniorarto, nukleara mar-armeo ed energiala teknologio.
Geografio
[redaktar | redaktar fonto]
La reliefo di Pittsburgh esas plana kun kelka kolini, jacanta sur tale nomizita "planajo Allegheny". Lua centrala quartero (downtown) situesas proxim la loko ube riveri Allegheny e Monongahela unionas por formacar rivero Ohio. Lua mezavalora altitudo esas 303 metri. Lua maxim basa punto jacas 212 metri e lua maxim alta punto jacas 413 metri super la marala nivelo[2].
La klimato dil urbo esas kontinentala humida, kun varma somero (Dfa segun la klimatala klasifikuro da Köppen). an la limito kun klimato subtropikala humida (Cfa). La mezavalora temperaturo en julio (somero) esas 22,9°C, kontre ke la mezavalora temperaturo en januaro (vintro) esas -1,8°C. De 1874 - kande komencis oficala registrago di temperaturi en la urbo - til nun, la minima temperaturo enrejistrita esis −30 °C, ye la 19ma di januaro 1994, kontre ke la maxima temperaturo enrejistrita esis 39°C, tri foyi - la maxim recenta ye la 16ma di julio 1988.
La mezavalora yarala pluvo-quanto esas 1006 mm, e la maxim pluvoza monato esas julio, kun mezavalore 108 mm. Ordinare nivas de la fino di decembro til la komenco di marto. La maxim nivoza monati esas januaro (mezavalore 34 cm) e februaro (mezavalore 30 cm).
Referi
[redaktar | redaktar fonto]
- ↑ https://www.rome2rio.com/pt/s/Harrisburg-Pa/Pittsburgh
- ↑ Mapa topográfico Pittsburgh, altitude, relevo - URL vidita ye 6ma di marto 2025. Idiomo: Portugalana.