Արսեն Վենգեր

Արսեն Վենգեր; ֆր.՝ Arsène Wenger
Անձնական տվյալներ
Ամբողջական անուն	Arsenè Wenger
Ազգությունը	Ֆրանսիա
Քաղաքացիությունը	Ֆրանսիա
Մականուն	Պրոֆեսոր
Ծննդյան ամսաթիվ	հոկտեմբերի 22, 1949 (75 տարեկան)
Ծննդավայր	Ստրասբուրգ
Հասակ	1,91 մետր
Դիրք	պաշտպան և sweeper
Մարզչական կարիերա
1996-2018	Արսենալ
Պարգևներ և

Արսեն Վենգեր (ֆր.՝ Arsenè Wenger, հոկտեմբերի 22, 1949(1949-10-22)^[1]^[2], Ստրասբուրգ^[2]), Լոնդոնի «Արսենալի» (1996-2018) գլխավոր մարզիչ։ Նա եղել է նաև ֆուտբոլիստ, սակայն այնքան էլ մեծ կարիերա չի ունեցել։

Կրթություն

Ավարտել է Ստրասբուրգի համալսարանի Ճարտարագիտություն ֆակուլտետը (1974)։ Բացի ֆրանսերենից տիրապետում է ևս հինգ լեզուների՝ իսպաներեն, անգլերեն, գերմաներեն, իտալերեն և ճապոներեն։

Գործունեություն

Խաղացել է «Մյուտզինգ» և «Մյուկխաուզ» ակումբներում։ 1978-1981 թվականներին հանդես է եկել «Ստրասբուրգ» պրոֆեսիոնալ ակումբում։ 1978/79 մրցաշրջանում դարձել է Ֆրանսիայի չեմպիոն։ Դա դեռևս Արսեն Վենգերի միակ ձեռքբերումն է, որպես ֆուտբոլիստ։ Բայց շատերին նա ավելի հայտնի է, որպես մարզիչ։ 1981 թվականին ընդունվել է «Ստրասբուրգ», որպես երիտասարդական թիմի երկրորդ մարզիչ։ Սակայն հաջորդ տարի դառնում է «Կանի» գլխավոր մարզիչ։ Այնուհետև 1984-1987 թվականներին գլխավորել է Ֆրանսիական «Նանտ» ակումբը։ Նրա ամենահայտնի ժամանակները սկսել են ֆրանսիական «Մոնակոյում», որտեղ աշխատել է 7 տարի (1987-1994 թվականներ)։ Նա խաղային անհատական ոճ ստեղծելու համար գնացել է Ասիա, Ճապոնիա, որտեղ մարզել է տեղի «Նոգայո Գրամբո» ակումբը։

Մարզչական կարիերան Արսենալում

Այն ժամանակ, երբ «Արսենալը» դեռևս հպարտանում էր իր անցյալով և մրցաշարային աղյուսակում զբաղեցնում էր միջին դիրքեր, ակումբի ղեկավարությունը, որոշեց կանչել Արսեն Վենգերին։ «Արսենալի» գլխավոր մարզիչ նշանակվելուց հետո նա նվաճել է 11 տիտղոս (3 Պրեմիեր լիգա, 4 Անգլիայի գավաթ, 4 Սուպերգավաթ)։ Նա համարվում է «Արսենալի» պատմության լավագույն մարզիչը։ Նա «Արսենալում» է արդեն 18 տարի։ Արսեն Վենգերի մականունն է «Պրոֆեսոր»։ Այդ մականունը նա ստացել է այն պատճառով, քանի որ կերտել է շատ աստղերի։ Նա փրկել է «Արսենալի» 18 տարվա ավագ Թոնի Ադամսին՝ հարբեցողությունից։ Արսեն Վենգերի համար միակ չնվաճված տիտղոսը Չեմպիոնների լիգան է։ Նա կարող էր դա անել 2006 թվականին, երբ եզրափակչում ձեռքից բաց թողնել հաղթանակը։ Այդ խաղում Բարսելոնան կամային հաղթանակ տարավ 2-1 հաշվով։ Ամեն տարի «Արսենալից» հեռանում են նրա առաջատարները։ Նրանց թվում են այնպիսի ֆուտբոլիստներ, ինչպիսիք են՝ Թիերի Անրին, Ռոբին վան Պերսին, Սամիր Նասրին, Սեսկ Ֆաբրեգասը, Էշլի Քոուլը։ Բացի այդ խնդրից ,«Արսենալի» հետ են նաև վնասվածքները։ «Արսենալը» վերջին 5 տարվա մեջ 4 տարում ճանաչվել է ամենաշատ վնասվածքներ ստացած խաղացողներ ունեցող թիմը։

Ակումբային ձեռքբերումները

Որպես ֆուտբոլիստ

Ստրասբուրգ

Ֆրանսիայի չեմպիոն (1) 1978-79

Որպես մարզիչ

Մոնակո

Ֆրանսիայի չեմպիոն (1) 1987-88
Ֆրանսիայի Գավաթակիր (1) 1990-91
Ընդհանուր (2)

Նագոյա Գրամպուս

Կայսրի գավաթի գավաթակիր (1) 1995
Ճապոնիայի սուպերգավաթակիր (1) 1996
Ընդհանուր (2)

Արսենալ

Անգլիայի չեմպիոն (3) 1997/98, 2001/02, 2003/04
Անգլիայի Գավաթակիր (7) 1997/98, 2001/02, 2002/03, 2004/05, 2013/14, 2014/15, 2016/17
Անգլիայի սուպերգավաթակիր (6) 1998, 1999, 2002, 2004, 2014, 2015
Ընդհանուր (16)

Վիքիպահեստն ունի նյութեր, որոնք վերաբերում են «Արսեն Վենգեր» հոդվածին։

↑ ^1,0 ^1,1 https://www.transfermarkt.es/arsene-wenger/profil/trainer/280
↑ ^2,0 ^2,1 ^2,2 ^2,3 ^2,4 Bischoff G., Foessel G., Baechler C. Nouveau dictionnaire de biographie alsacienne (ֆր.) / Fédération des sociétés d'histoire et d'archéologie d'Alsace — 1982. — 4434 p.

[_ee2d7773e0ab3ca3-1] 1,0 ^1,1 https://www.transfermarkt.es/arsene-wenger/profil/trainer/280

[_0016672efeefa937-2] 2,0 ^2,1 ^2,2 ^2,3 ^2,4 Bischoff G., Foessel G., Baechler C. Nouveau dictionnaire de biographie alsacienne (ֆր.) / Fédération des sociétés d'histoire et d'archéologie d'Alsace — 1982. — 4434 p.

[1]

[2]