Գլխավոր էջ

Վիքիպեդիա

Ազատ հանրագիտարան, որը կարող է խմբագրել յուրաքանչյուր ոք։

Շաբաթվա հոդված

Երկրորդ համաշխարհային պատերազմի ժամանակ զինված ուժերի և բնակչության մոբիլիզացման անհրաժեշտությունը, ինչպես նաև գերմանական բանակի և օկուպացված տարածքների բնակչության վրա ազդելու անհրաժեշտությունը հանգեցրել է պատերազմող երկրներում տարբեր քարոզչական տեխնոլոգիաների ծաղկմանը, որոնք դարձել են պատերազմի անբաժանելի մասը: Օգտագործվել են ոչ միայն պաստառներ և թռուցիկներ, այլև ձայնագրություններ, ռադիոհաղորդումներ, քարոզչական աուդիոհեռարձակումներ թշնամու խրամատների ուղղությամբ, ինչպես նաև կոլաբորացիոնիստական կազմակերպությունների ստեղծում:

Թիրախային խմբերի մշակման մակարդակը երբեմն շատ բարձր է եղել։ Օրինակ՝ ըստ ականատեսների Գերմանիայի բնակչության զգալի մասը նույնիսկ 1945 թվականի գարնան սկզբին դեռ վստահ է եղել գալիք հաղթանակին, մինչդեռ իրականում պատերազմի ելքը, կարծես թե արդեն կանխորոշված է եղել։

Հաշվի առնելով հատուկ պայմանները, որոնցում ստեղծվել են քարոզչական նյութերը՝ զարմանալի չէ, որ դրանցից շատերը չափազանց դաժան են թվում ժամանակակից մարդկանց, ոմանք չափազանց նատուրալիստական կամ, ընդհակառակը, ծաղրանկարային բնույթ են կրել:

1930-ական թվականներին քարոզչությունն օգտագործվոել է Երկրորդ համաշխարհային պատերազմին միացած երկրների մեծ մասի կողմից։ Քարոզչությունը տարբեր հռետորաբանությամբ և մեթոդաբանությամբ է կատարվել՝ թշնամուն վիրավորելու և պատերազմում ներքին ջանքերը արդարացնելու և խրախուսելու համար: Ընդհանուր թեմա է եղել այն պատկերացումը, որ պատերազմը օտար ներխուժումից հայրենիքի պաշտպանության համար է։ ... Ավելին⇒

Նորություններ

Շարունակվող իրադարձություններ՝ Իսրայելա-պաղեստինյան պատերազմ (2023-2024) • Ռուսաստանի ներխուժում Ուկրաինա

ապրիլի 26-ին Վանկուվերում փողոցային փառատոնի ժամանակ մեքենայի վրաերթի հետևանքով առնվազն 11 մարդ է զոհվել։
ապրիլի 26-ին Իրանի Բանդար Աբբաս քաղաքի Շահիդ Ռաջայի նավահանգստում տեղի է ունեցել հզոր պայթյուն (լուսանկարում), որի հետևանքով զոհվել է առնվազն 36 և տուժել ավելի քան 1000 մարդ։
ապրիլի 21-ին 88 տարեկանում Սուրբ Մարթայի տուն պապական նստավայրում վախճանվել է Հռոմի պապ Ֆրանցիսկոսը (լուսանկարում)։
ապրիլի 20-ին Քիշնևում կայացած Եվրոպայի 2025 թվականի առաջնությունում աշխարհամասի չեմպիոն է դարձել ծանրամարտիկ Գարիկ Կարապետյանը, իսկ ապրիլի 21-ին գերծանրքաշայինների պայքարում՝ Վարազդատ Լալայանը։
ապրիլի 13-ի առավոտյան ռուսական ուժերը երկու բալիստիկ հրթիռ են արձակել Ուկրաինայի Սումի քաղաքի կենտրոնի ուղղությամբ, ինչի հետևանքով զոհվել է 34 մարդ, այդ թվում՝ երկու երեխա, վիրավորվել է 117 մարդ։
Կոլումբիա շրջան քաղաքապետ Մյուրիել Բաուզերը Ալեքսանդր Օվեչկինի ռեկորդային 895-րդ գոլից հետո հետո ապրիլի 11-ը հռչակել է «Ալեքս Օվեչկինի օր»:
ապրիլի 2-ին ԱՄՆ նախագահ Դոնալդ Թրամփը երկրների մեծ մասի համար առևտրային մաքսատուրքեր է սահմանել:
մարտի 28-ին Մյանմայում և Թաիլանդում տեղի է ունեցել 7,7 մագնիտուդով երկրաշարժ, որի հետևանքով զոհվել է ավելի քան 2600 մարդ։

Վերջերս մահացածներ՝ Աղվան Չատինյան • Զուրաբ Ծերեթելի • Ֆրանցիսկոս (Հռոմի պապ) • Մարիո Վարգաս Լյոսա • Վել Քիլմեր • Ռիչարդ Չեմբերլեն

Հաջորդ թողարկում | Պահոց | Խմբագրել

Գիտե՞ք, որ․․․

...ծառերի միջոցով ևս արվել են հսկա արձանագրություններ, որոնցից մեկը պահպանվել է նաև Երևան-Սևան ավտոմայրուղու մոտակայքում։
...Փարիզի զբոսայգիներից մեկը (լուսանկարում) գտնվում է երկաթուղային կայարանի տանիքում։
...վեց կին ունեցած Անգլիայի Հենրի VIII թագավորի անունով կոչվում է բնածին արատով ծովային մի կենդանի։
...ԱՄՆ-ում փորձել են գործարկել 8-ձիաուժանոց նավակ։ Բառի բուն իմաստով 8-ձիաուժանոց։
...աշխարհի վերջին կարելի է հասնել գնացքով (լուսանկարում)։
...100-ամյա այս տատիկը նույն օրը սահմանել է լողի համաշխարհային երեք ռեկորդ։

Հաջորդ թողարկում | Արխիվ | Խմբագրել

Ներկայացում

Վիքիպեդիան առցանց, բազմալեզու, խմբակային հանրագիտարանային նախագիծ է, որն աշխատում է վիքի ձևաչափով։ Նախագիծը նպատակ ունի տրամադրել ազատ, հավաստի և ստուգելի բովանդակություն, որը յուրաքանչյուրը կարող է փոփոխել և բարելավել։

Վիքիպեդիան առաջնորդվում է հիմնարար սկզբունքներով, իսկ բովանդակությունը հրապարակվում է Creative Commons BY-SA արտոնագրի ներքո։ Այն կարելի է պատճենել և օգտագործել՝ պահպանելով սույն արտոնագրի պայմանները։ Վիքիպեդիայում ողջ տեղեկատվությունը ներկայացված է ազատ, առանց գովազդի և իր օգտագործողների անձնական տվյալների օգտագործման։

Վիքիպեդիայի հոդվածների հեղինակները կամավորներն են։ Նրանք կոորդինացնում են իրենց ջանքերը համաձայն համայնքում ընդունված կանոնների և ուղեցույցների ու առանց առաջնորդների։

Այս պահին Հայերեն Վիքիպեդիայում կա՝
318 422 հոդված	491 ակտիվ խմբագիր

Համագործակցություն

Վիքիպեդիան հանրագիտարան է, որն ստեղծվել և զարգանում է քեզ նման այցելուների կողմից։ Այստեղ գործում է «մեկը բոլորի համար, բոլորը՝ մեկի համար» սկզբունքը։

Առաջին անգա՞մ ես փորձում. օգտվի՛ր օգնության դասընթացից։ Չգիտես՝ ինչի՞ց սկսել. ահա մի քանի խորհուրդ։

Մասնակցի՛ր այս ամիս կազմակերպվող նախագծերին։

Նախագծի էջ | Հաջորդ թողարկում

Այս օրը պատմության մեջ

1770 թ. – հայտնի ծովագնաց Ջեյմս Կուկը հասավ Ավստրալիա։
1882 թ. – Բեռլինում բացվեց աշխարհում առաջին տրոլեյբուսի գիծը։
1884 թ. – Օքսֆորդի համալսարանը թույլատրեց կանանց մասնակցելու քննություններին։
1897 թ. – անգլիացի գիտնական Ջոզեֆ Թոմպսոնը Լոնդոնի թագավորական հասարակությանը հայտարարեց իր կողմից էլեկտրոնի հայտնաբերման մասին։
1933 թ. – ֆուտբոլի Անգլիայի գավաթի եզրափակիչ Էվերթոն - Մանչեսթեր Սիթի հանդիպման ժամանակ, առաջին անգամ ֆուտբոլիստները խաղադաշտ դուրս եկան համար ունեցող մարզաշապիկներով։
1957 թ. – ծնվել է Դանիել Դեյ-Լուիսը, անգլիացի դերասան, Օսկարի եռակի դափնեկիր։
1970 թ. – ծնվել է Անդրե Աղասին, ծագումով հայ, ամերիկացի ճանաչված թենիսիստ։
1980 թ. – մահացել է Ալֆրեդ Հիչքոքը, անգլիացի նշանավոր ռեժիսոր (ծն. 1889)։
1991 թ. – Բանգլադեշում փոթորիկի հետևանքով մահացավ 138000 մարդ։
2011 թ. – Ուեստմինստերյան աբբայությունում տեղի ունեցավ Արքայազն Ուիլյամի և Քեյթ Միդլթոնի հարսանյաց հանդեսը։