Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Maandag, 11 Augustus 2025 Hier is tans 125 909 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Mary Edwards Walker (26 November 1832 – 21 Februarie 1919), algemeen bekend as Dr. Mary Walker, was 'n Amerikaanse afskaffer, prohibisionis, krygsgevangene en chirurg. Sy is die enigste vrou wat 'n Amerikaanse Medal of Honor ontvang het.

In 1855 het sy haar mediese graad by die Syracuse Mediese Kollege in New York verwerf, is sy getroud en het sy 'n mediese praktyk op die been gebring. Sy het probeer om by die Union Army aan te sluit teen die begin van die Amerikaanse Burgeroorlog, maar is afgewys. Sy het as 'n chirurg by die tydelike hospitaal in Washington, D.C. gewerk voor sy deur die Union Forces aangestel is en tot die Weermag van die Cumberland en later die 52ste Ohio Infanterie toegewys is, wat haar die eerste vroulike chirurg in die Amerikaanse Weermag gemaak het. Sy is as 'n spioen gevange geneem deur Konfederale Magte nadat sy vyandelike grense oorgesteek het om gewonde burgerlikes te behandel. Daarna is sy as 'n krygsgevangene na Richmond, Virginië gestuur totdat sy in 'n gevangene-uitruiling vrygelaat is.

Na die oorlog is sy goedgekeur om 'n Medal of Honor te ontvang vir haar pogings om gewondes in die oorlog te behandel en vyandsgrense gedurende die Burgeroorlog oor te steek. Die toekenning is veral nie uitdruklik vir dapperheid in daardie tyd toegeken nie en was in werklikheid die enigste militêre toekenning tydens die Burgeroorlog. Walker is die enigste vrou wat die medalje ontvang het en een van slegs agt burgerlikes. Haar naam is in 1917 van die Weermag se Medal of Honor-rol (saam met meer as 900 ander ontvangers) verwyder; dit is egter in 1977 weer herstel. Na die oorlog was sy 'n skrywer en dosent wat die vrouestemregbeweging tot haar dood in 1919 ondersteun het.

...lees verder

In die nuus

Die Britse en Ierse Leeus wen die toetsreeks teen die Wallabies, Australië se nasionale rugbyspan, met 2–1.
Tydens die 47ste sessie in Parys, Frankryk, lys die Unesco onder ander die Mulanjemassief en die Neuschwanstein-kasteel as nuwe wêrelderfenisgebiede.
Zimbabwe beklink die Afrikabeker 2025 en kwalifiseer vir die Rugbywêreldbeker 2027 in Australië, hul eerste rugbywêreldbekerdeelname sedert 1991; Italië en Nederland bespreek die Europese kwalifiseringsplekke vir die T20I-wêreldbeker 2026 in Indië en Sri Lanka, vir Italië is dit hul eerste deelname aan ’n krieket- of T20I-wêreldbekertoernooi ooit.
Denemarke neem die voorsitterskap van die Europese Unie by Pole oor.
Suid-Afrika verslaan Australië met vyf paaltjies in die eindstryd van die derde Wêreldtoetskampioenskap op Lord’s; voor die eindstryd is onder andere Hashim Amla en Graeme Smith in die IKR se Heldesaal opgeneem.

Het u geweet...

... dat die Honderdjarige Oorlog nie 100 jaar geduur het nie, maar 116 jaar? Daar was periodes van vrede tussenin en dit het geëindig met die verdrywing van Engelse magte uit Frankryk.

... dat die dorp Roodepoort wes van Johannesburg se naam verwys na die rooi grond wat so algemeen in die omgewing is? Die dorp het ontstaan nadat 'n goudmynkamp op 'n plaas met die naam "Roodepoort" gestig is.

... dat radiogolwe vinniger as klankgolwe beweeg? Tydens 'n regstreekse uitsending sal radioluisteraars duisende kilometers weg 'n stem hoor nog voor die mense wat agter in die opnamelokaal sit dit hoor.

... dat slegs een van die oorspronklike Sewe Wonders steeds bestaan? Buiten die Groot Piramide van Giza het almal vergaan.

... dat die stigter van Windhoek, Curt von François, in Königs Wusterhausen, nou 'n stad in die Duitse deelstaat Brandenburg, oorlede is?